Dewan Koinonia i ma sada organ di HKBP na sumangkapi dohot na patupahon angka panghobasion na padasiphon parsaoran na saroha, na sapingkiran dohot sapanghilaan di huria, na manghammam Seksi Sikola Minggu, Bajarbajar, Naposobulung, Parompuan, Ama dohot Lansia.

HKBP Kertanegara marhite Seksi Sikola Minggu, Bajarbajar, Naposobulung, Parompuan, Ama dohot Lansia sai marusaha do patupahon kegiatan mangihuthon tema tahunan naung ditontuhon HKBP. Tema Tahun 2016 – 2020 (boi tabereng digambar di ginjang) tung mansai denggan ma nian gabe dasor laho patupahon tema kegiatan HKBP di taon-taon na mangihut asa tarida na masitogutoguan do program na imbaru dohot naung salpu. Jala sada hataridaan na sada do huria ise pe nasida na laho manguluhon.

Sada hataridaan ni program na mardalan dohot denggan boi berengon sian koordinasi ni 6 seksi di bagasan dewan koinonia i sandiri, dohot koordinasi na tu dua dewan i ma marturia dohot diakonia.

Molo songon i tutu denggan mardalan program, tarida ma pertumbuhan na lam dewasa huria i. Lam sada roha nasida patureturehon, lam godang pangisina gabe diporluhon ma inganan na lam umbalga saotik. Boi do tarida di Gambar Gareja na di ginjang.

Aha do na mambahen adong perubahan i? Las situtu rohanta, ala tung mansai balga do pangkorhon ni visi HKBP i, “GABE PASU-PASU TU PORTIBION“, di bahasa Indonesia didok “MENJADI BERKAT BAGI DUNIA.”

SAI MARGOGO MA HITA MANDALANI TAHUN 2021 DOHOT TEMA “TAHUN PEMBERDAYAAN.”