Perhalado parartaon i ma manang na piga pangula partohonan mangurupi Uluan ni Huria laho mangaradoti arta dohot administrasi ni Huria. Sian na 6 ulaonna sada i ma paradehon sarana dohot prasarana na ringkot di huria.

Adong piga-piga prasarana dohot sarana di Huria KHBP Kertanegara. Prasarana parjolo i ma inganan ni dakdanak singkola minggu laho mambege hata ni Debata, dohot na paduahon i ma gedung gareja inganan ni na magodang laho marminggu. Khusus acara natal dipangke dakdanak singkola minggu do gareja rap dohot natua-tua laho patupahon acara marnatal. Tung mansai denggan jala uli ma nian inganan na dua on, na manghorhon lam tu ulina dohot dengganna parrohaon ni ruas ni huria-Na i. Asa lam marmulia Tuhan i, ruas i pe lam martamba-tamba dapot pasu-pasu, lam martamba-tamba dapot bisuk na sian Tuhan i. Ama songon imam ditonga-tonga ni keluarga lam marsahala.

Tontu di sude prasarana dohot sarana na adong ingkon diparhaseang dohot denggan (penggunaan optimum), diramoti, jala dipareso dohot disimpan dohot denggan. Angka na martugas laho paradehon di angka pelayanan lam tu ringgas na ma (tepat waktu). Jala asa mardalan denggan uli na i molo sai masipaingotan jala masisosoan (Komunikasi yang baik).

Sarana Gedung Ibadah sekolah Minggu:

Sada cita-cita ni Seksi Sekolah Minggu i ma patupahon ruang kelas na di kiri (HKBP Kertanegara) songon ruang kelas na di kanan, na lengkap dohot sarana meja, buku dohot lamari.

Cita-cita ni Seksi Sekolah Minggu asa adong sarana meja, buku dohot lamari, porlu didorong dohot sada pangantusion (Mind set) na singkop (komprehensif). Di mula na i , ompu i Nomensen nunga mambahen dasor i ma ringkot ni singkola dohot rumah sahit di sada huria. Diparade parartaon do sada ruang na gelleng na dipangke songon perpustakaan. Tontu boi ma on dohot mandorong ruas laho mangurupi pasauthon cita-cita ni Seksi Sekolah Minggu.